Nikum Tang(10)Chanhlun Cacawnmi Nih Tu Kum Camipuai A Hnu Bik Phit A Si Cang Lai
Salai Bawi Lian Sang| TCP-Kalay| October 21, 2020| Myanmar Fimcawnnak zung thawngthanhnak ah tu kum (2020-2021) fimcawnnak kum ah tanghra camipuai a phi dingmi ah nikum tanghra a phi mi chanhlun cacawnnak siangngakchia hna a hnu bik camipuai phit a si lai tiah MoE nih thawngthanhnak a tuah.
- Myanmar ram um mi cozah sianginn oncaan cu May 25-31 ti a si. Sianginn kaicaan cu June thla in thawk a si.
- Siangniamrun a dih in Tangnga (G-5) Pengkulh/Peng theihpi mi camepuai a um.
- Sianglairun a dih in Tangkua (G-9) cu Ramthen/State nih theihpi mi camepuai a um.
- Singsangrun a dih in Tanghleihnih (G-12) camepuai cu Rampi theihpi in tuah an si te lai.
- 2018-2019 kum in (Grade-2) cawnnak tlen a si. Mah kum ah Cozah Tanghra camepui phit a um rih.
- 2019-2020 kum ah (Grade-3) le (Grade-6) cawnnak tlen a si lai.
- 2020-2021 kum ah Grade-(4), (7) le (Grade-10) tiang cawnnak thlen a si lai.
- 2021-2022 kum ah Grade-(5), (8) le (Grade-11) tiang cawnnak thlen a si lai. Mah kum ah Cozah Tanghra camepuai phit a um ti lai lo.
- 2022-2023 kum ah Grade-(6), (9) le (Grade-12) tiang cawnnak thlen a si lai. Mah kum in Basic Education dihnak ‘Completion Certificate’ pek a si lai. Mah lehhmanh a ngeimi nih pawcawnnak ca ah duhthim mi subject cawn khawh a si te lai.
Mah lehhmanh a ngeimi nih a duh mi Sianghleirun sianginn ah luhnak camipuai a awn ahcun cawnnak nawl a ngei lai.
2020-2021 cacawnkum le 2021-2022 cacawnkum kum 2 ah camipuai a sungmi hna ca ah Sianghleirun lutnak camepuai phitnak nawl pek a si lai. Basic Education a dih tiang tangka pek hau lo (free) in kai khawh a si lai tiah Ministry of Education nih thawng an thanh. Nihin Kawlram pumpi ah Siangniamrun (primary) in Siangsangrun (high school) tiang a kaimi hi; 2018-2019 cacawnkum ah an karh ngaingai i siangngakchia 9,144,469 tiang an phan.
A tu ah (KG-12) fimcawnnak thar an thok cang.
Theihternak: Sianginn vialte Covid hrik a zor deuh tik ah sianginn on than dingin Fimcawnnak zung nih an timhtuah lio a si.
Camipui phit can cu kum dang nak in a tlai deuh lai. Myanmar ram fimcawnnak zung nih siangngakchia cacawnnak le camipuai tuahnak ding ah nikum in tanghra a sungmi siangngakchia cheuthum cheuhnih A sing(ting) in a um mi hna tukum camepuai an awn kho than ding in cacawnnak hmailangh Myanmar Education Channel (T.V Chanel) in cacawnnak cu 2020, November thla in an thok lai.