NLD Central Committee Minung 42 In A Thar An Ser; Minung 15 Lawng In An Thim Nolh Hna Lai

0

City Hunter| 2018 June 24| Avoi 2nak ram pumpi huap NLD (National League for Democracy) party conference a nikhatnak ah Central committee thar le cangkep central committee chungtel pawl thimnak an ngei. Central committee cu minung 42 le cangkep central committee chungtel thar cu minung 30 in mi tamdeuh mee peknak in June 23 ah an i thim.

NLD cozah thar a kai hnu kumhnih a rauh hnu ah party conference cu Yangon ah a voi 2nak an tuah. Hi conference ah ramthen le ramulh kip in thlahmi palai 1000 renglo nih central committee chungtel thar pawl cu mee peknak in an thim hna.

NLD central committee chungtel thar chung ah Kachin ramkulh, Kayah ramkulh, Taningthari ramthen, Pago ramthen cozah bu in Chief Minister hna le minister pawl an i tel tiah NLD party thawngthanhnak lei secretary Monywa Aung Shin nih a chim.

Thim tharmi central committee chungtel hna cu kum 50 in 70 kar hrawng an tam bik tiah conference a kaimi party palai hna sin in theih a si.

Conference ah miphun sersiamnak le remdaihnak telh in 2008 phunghrampi remhnak hi party nih hmailei pehzulh in tuahtuan dingmi rian pathum lakah a pakhatnak papek ding ah aa tel tiah Central committee phu in Vice Chairman Dr. Zaw Myint Maung nih ramkhel cathanh a relnak ah a chimchih.

Thim ciami Central committee chungtel le cangkep committee chungtel hna lak chung in central committee le cangkep central committee an zapi minung 15 lawng in June 24 ah an thim than hna lai tiah theih a si.
Ref: BBC Burmese

About The Author

Na ruahning rak langhter ve.. (Leave a comment)

%d bloggers like this: