June 17, 2024

Kachin Ral Zam Hna Nih Eidin Kongah President Sinah An Hal Lai

0

Salai Elvis| 2018 June 24| Kachin ramchung ralzammi hna an i dornak hmun 9 ah ei din kong, fimcawnnak, ngandamnak le a dangdang harnak an tonmi kongkau cu nuhrin covo phu hna nih tuanvo ngeitu President le vuanci dang hna sin ah chim phuan an i tim tiah theih a si.

Ralzam hna an i dor chungnak hmunhma le minung an i dinzawh lo caah ngandamnak le tlonlennak kong zongah pakhat khat a si kho tiah U Yo Lun aung nih a chim.

“Ralzam hna an umnak hmun zong an i phazo lo. Innchungkhar pakhat umnak caah pe 8×10 lawng a si, mi cheu cu an inn tungvang pe 12 le 14 tiang zong an um ve. Innchungkhar pakhat umnak ding cu a si kho lo. Caan saupi umnak ding ahcun ngandamnak ca zong ah a tha lo i tlonlennak lei zongah a tha lo. A si khawh ahcun a tu an umnak letthum inn an sakpiak hna lawngah minung umnak tling a si lai” U Yu Lun Aung nih a chim.

Aluancia thla chungah Kachin ramchung Moe-kaung, Kaa-maing hna ah ralzam i dornak hmun 5, Myitgyina myitsone ah hmun 3 le Win-maw khua ah hmun 1 ah ralzam mi an um tiah nuhrin covo hlaithlaitu hna nih hlathlainak an va ngeih hna. Ralzam dirhmun ah a dir lio mi Kachin ralzam hna cu dinti, hman ding ti, an umnak inn an i tetkhawt tuk nak le ngandamnak, fimcawnnak lei kongah lung rethei in an um peng rih tiah theih a si.
Ref: RFA

About The Author

Na ruahning rak langhter ve.. (Leave a comment)