NLD Party CEC Ah A Thar Minung 6 An Chap I An Zapi 21 An Si Cang
City Hunter| 2018 June 25| June 23-24 ah tuahmi NLD (National League for Democracy) party avoi 2nak ram pumpi huap party conference central committee (CEC) chungtel a thar minung 6 chapnak le cangkep CEC minung 8, an zapi minung 14 a thar chapnak an ngei. NLD central committee a thar thim chapmi 6 le a hlun 15 chung ah Chin ramkulh in pakhat hmanh an i tel lo tiah kan theih.
Tutan ah CEC chungtel ah a thar thimmi le chapmi 6 cu; Dr. Tin Myo Win, U Aung Kyi Nyunt, U Thein Oo, Dr. Myint Naing, U Ein Htung Kha Naw Sam le U Tin Htuat Oo an si.
Central Committee (CEC) minung 19 lakah khuahun (ta-ba-pa-dih) chungtel a hung si cangmi U Win Htein, U Ung Gyang, U Kyaw Khin le U Man Joni hmunhma a lawngmi pali pin ah a dang pahnih an chap bia a si. Cucaah a hlun 15 pin ah a thar thim chap nolhmi 6 he NLD central committee (CEC) ah an zapi 21 an si cang.
NLD party nih 2018 March 30 ah party khuahun le CEC sertharnak an tuahmi cathanh an chuah. Cu cathanh an chuahmi ah central committee (CEC) hna cu a tanglei bantuk in an si.
Khuahun
1. Thura U Tin Oo
2. U Hla Phe
3. U Win Htein
4. U Ung Gyang
5. U Kyaw Khin
6. U Man Joni
Central Committee (CEC)
1. Daw Aung San Suu Kyi – Chairman
2. U Win Myint – Vice Chairman-1
3. Dr. Zaw Myint Maung – Vice Chairman-2
4. U Nyan Win – Secretary chungtel
5. U Han Thar Myint – Secretary chungtel
6. Dr. May Win Myint – CEC chungtel
7. Daw Khin Htay Cuai – CEC chungtel
8. Daw Nan Khin Htwe Myint – CEC chungtel
9. Dr. Myo Aung – CEC chungtel
10. U Htun Htun Hein – CEC chungtel
11. Dr. Aung Myo Hngo – CEC chungtel
12. U Nyi Puh – CEC chungtel
13. U Aung Soe – CEC chungtel
14. Dr. Myo Nyunt – CEC chungtel
15. U Pyo Min Thein – CEC chungtel
A thar chapmi 6 cu;
16. Dr. Tin Myo Win – CEC chungtel
17. U Aung Kyi Nyunt – CEC chungtel
18. U Thein Oo – CEC chungtel
19. Dr. Myint Naing – CEC chungtel
20. U Ein Htung Kha Naw Sam – CEC chungtel
21. U Tin Htuat Oo – CEC chungtel an si.
Chimnak Nawlngeitu
1. Dr. Zaw Myint Maung
2. Dr. Myo Nyunt an si.
NLD party chairman ah Daw Aung San Suu Kyi, Vice Chairman ah U Win Myint le Dr. Zaw Myint Maung an si. Tu lio ah Daw Aung San Suu Kyi le U Win Myint cu cozah rian tuanvo an lak ruang ah party cu Dr. Zaw Myint Maung nih a hruai lai tiah NLD in chimnak nawlngeitu nih a chim. Dr. Zaw Myint Maung cu atu lio Mandalay ramthen ah Chief Minister a tuan liomi a si.
A thar thimmi CEC lakah remdaihnak rian a biapi in a tuanmi Dr. Tin Myo Win aa tel i cangkep CEC lakah Rampi President hlun U Htin Kyaw nupi Daw Su Su Lwin aa tel.
June 23 ah Central committee cu minung 42 le cangkep central committee chungtel thar minung 30 mi tamdeuh mee peknak in an thim hmasa hna. Cu chung in June 24 ah a cunglei bantuk in CEC chungtel thar minung 6 le cangkep CEC chungtel thar minung 8 an thim nolh than hi a si. A dang paoh cu cangkep committee ah an chiah dih hna tiha kan theih.
NLD cozah thar a kai hnu kumhnih a rauh hnu ah party conference cu Yangon ah avoi 2nak an tuah. Hi conference ah ramthen le ramulh kip in thlahmi palai 1000 renglo an kai kho.
Ref: BBC, Mizzima
About The Author
