Novem Htoo Nih The Voice Myanmar 2019 Winner Laksawng Ks. Sing 200 A Co
The Chinland Post| 2019 June 17| The Voice Myanmar Season-2 Grand Final zuamnak cu June 16 zan ah an tuah i Novem Htoo nih winner laksawng ks. sing 200 pin ah ford motor pakhat le universal Music in album pakhat chuahpiak ding a co tiah kan theih.
A donghnak bik grand final ah aa zuammi pali cu; Team KP in Novem Htoo, Team NiNi in Hazel, Team RZN in Paul Austin le Team YC in Melody Khong an si. Anmah pali chung in Mon Miphun Novem Htoo nih atu bantuk in winner a ngah hi a si.
The Voice Myanmar Season 2 winner laksawng cu kyat ting 200, Ford motor pakhat le Universal music in album pakhat chuahpiak ding a si.
Novem Htoo cu The Voice Myanmar Season 2 a hramthawk aa zuamnak ah Kawlrammi nih theihtuk lomi hard rock/metal music in aa zuam i coach pawl nih an uar ngai. Nain, a soiseltu mipi zong an um len.
Anih hi The Voice Myanmar ah aa zuam hlan pi in music lei a cawngmi le hla aa chuah bal cangmi, minthang cia pakhat a si.
Novem Htoo nih The Voice Myanmar winner a si hlan in album chuah awk caah hla fung 9 hrawng aa timhlamh lio a si. Winner ka si ahcun rang deuh in ka chuah khawh lai. Show zong tuah ka duh tiah a chim bal.
The Voice Myanmar Season-2 ah Laimi chung in Nicholas Pasangma cu semi final tiang a kai. Asinain June 9 zan zuamnak semi final (minung 8 chung) zuamnak ah a tla.
About The Author
