November Thla In Caankarlak Milurelnak Cazin An Lak Than Lai
TCP-Thantlang| 2019 June 27| 2019 November thla thok in caan karlak milurelnak cazin lak than a si lai tiah lah-wa-ka zung Pyithaungsuh vuanci U Thein Swe nih June 25 ni ah a chim.
Kawlram pi thanchonak kongkau (MSDP- Mynamar Sustainable Deveopment Plan) hmailei 2030 kum tiang rian tuanchuah nak le thanchonak kongkau ruahchih in caan karlak milu relnak cazin lak kan timh hi a si tiah U Thein Swe nih a chim.
Kum hra dan ah voi khat lengmang lak ding mi milurelnak cazin cu a tu lio cazin, thanchonak kongkau he aa thlausual nak hnga lo le ramdang hna nih an tuah cio mi chungin zohfelnak ngeih hnu ah 2014 milurelnak in kum nga tluk aa tlau hnu 2019 kum November thla ah caan karlak milu relnak cazin lak than ding timhtuahnak ngeih a si nak kong a chimchih.
Milurelnak cazin laknak caah Map suaisam nak, update tuahnak kongkau cu 2014 kum he aa lo in tuah a si lai nak kong le milurelnak cazin lak nak ding caah a herh mi Google Map, GIS Technology, Digitel Map tibantuk riantuan nak kongkau zong hlathlai le riantuan a si. Hi riantuannak le zohfelnak cu Naypyitaw velchum, Irrawady ramthen, Chin ramkulh le Kayin ram kulh hna ah hlathlainak tuah a si cang i a tulio ah Kaya, Mon le Kachin ram hna ah tuah cuahmah lio a si.
2014 kum milurelnak cazin lak ning catlap le Manual bantuk si ti lo in Mobile Tablets le Computer hmang in minung pakhat tete sin ah biahalnak tuah ding kong (CAPI: Computer Assisted Personal Interviewing) ning in lak a si lai tiah U Thein Swe nih a chim. (Ref: The Ladies News)
About The Author
