NUG Nih VPN App Thar Pakhat Hman Khawh A Si Cang Lai Tiah A Chim
The Chinland Post | 2024 June 6 — Dothlennak phu pawl caah adang tein VPN (Virtual Private Network) software pakhat hman khawh a si cang lai tiah NUG nih a chim.
NUG kuttang Minister of Communication, Information & Technology U Htin Lin nih cakuat khawhnak application pakhat an hneksak cuahmah lio i budget dirhmun ruang ah dothlennak phu pawl lawng kan tawlrel khawh rih lai tiah RFA ah a chim.
Myanmar ram ah SAC nih a phih cuahmah mi thawngzamh website pawl le Social Page pawl lut kho ding in danh mi VPN software cu May dongh lei thawk in hman khawh a si ti lo.
Myanmar ram ah Facebook a hmang mi minung sing 20 leng an um i hramhram in uknak lak a si hnu ah mipi hna nih thawngpang cu Facebook cung in a caan chung te ah theih khawh lengmang a si. Atu bantuk in VPN hmannak a har thluahmah caah mipi hna nih thawngpang an theih ding a har thluahmah ve.
SAC nih Facebook aiawh ah My Space ti mi application cu a ser nain SAC a dohtu pawl nih PlayStore chung in hnawt ding in an aupi. Facebook aiawh ah Myspace hmang ding in SAC aa zuam tiah IT lei a thiam mi nih an chim.
About The Author
