One Championship He Hnatlnak (Contract) Min A Thu Ṭhan Mi Aung La N Sang
The Chinland Post | 2024 January 29 — Myanmar ram mipi hna nih tha an pek cem mi Aungla N Sang cu One Championship he hnatlaknak minthut (Contract) kong a tlamtling cang tiah January 28 an a Facebook cahmai ah a tar.
MMA fighter aa rak i thawknak hi One Championship ah a si bantuk in a dihnak zong One Championship ah a si lai, taisawm zong ka co ṭhan khawh nakhnga timhcia ka si tiah a ṭial.
“One Championship hi MMA lam ka rak zulhnak hmun a si bantuk in hika hmun hi ka donghnak zong a si lai. Sui taisawm co kho ṭhan ding in timhcia ka si. Pathian lamhruainak, fimnak le lungsaunak cung ah ka lawm” tiah a ṭial.
Aungla N Sang hi a luancia 2023 May 5 ni One Fight Night 10 ah Tuluk miphun Fan Rong he a hnu bik aa thongh a si i One Championship he an contract (hnatlaknak) a dih zong a si. Cu thawk in One Championship he an karlak biaruahnak cu caan sau nawn a tlamtlin lo hnu nizaan (January 29) ah a tlamtlin ṭhan hi a si.
Contract kong fiang deuh in theihternak a tuah mi um lo nain Aungla N Sang hi a rauh hlan ah aa thong ṭhan lai i a Contract thla 12 chung ah a tlawm bik puai 3 thonghnak nawl a ngei tiah theih a si.
Aungla N Sang hi One Championship Middle Weight le Light heavyweight Championship hlun a si.
About The Author
