May 21, 2024

Biadik Phuangtu Palek Moe Yan Naing A Chungkhar Hna An Umnak Inn In An Thawl Hna

0

TCP-Thantlang| 2018 April 22| Reuters thawngpang latu pahnih tlaihnak kongah palek bawichang pakhat a simi Moe Yan Naing nih palek lei in biathli thup kha dik tein a chim ruangah palek quarter’s an umnak inn in April 21 ah a chungkhar hna cu an thawl hna tiah theih a si.

Palek pakhat nih nan umnak inn khan ni 3 hlan ah a rannak in chuak u tiah phone chungin an kan ti caah kan lau ko, phone cu ka chawnh than hna tikah ni 2 hlan ah a ti than tikah aw kan chuak ko lai tiah ka ti hna i mah ni lila ah ka chuak” tiah a nupi Daw Toe nih a chim.

An pa a simi palek bawichang Moe Yan Naing cu a nupi le a chungkhar le he zong pehtlaih khawhnak nawl an pek hna lo caah a chung le nih ni 4 chung zeitin a um zong an thei kho rih lo. Moe Yan Naing an tlaihmi kong le a chungkhar le he pehtlaihnak nawl an pek duh hna lomi kong ah nuhrin covo lei tuanvo ngeitu hna nih biatak tein biaceih zungah chimphuan an timh.

Palek bawichang Moe Yan Naing cu Reuters thawnglatu Ko Wa Lung sin ah a luancia November 23 ni ah bia a chimtu a si caah tet-te caah an auh i hi chungah a tubantuk in thil sing in fiangtein a chim hi a si.

Rakhine buainak kongah Reuters thawnglatu pahnih sin ah keimah nih biathli a si mi vialte ka chimh hna lo pin ah, bawi Tin Ko Ko nih hi hna pahnih tlaih ding in nawl a kan pekmi a si tiah a chim.

Hi kongah Moe Yan Naing a chung le nih President sin le Daw Aung San Suu Kyi sin tluk ruannak a um khawh nakhnga le tlangtlakpiak dingin ca an kuat tiah theih a si.

Ref: RFA Burmese

About The Author

Na ruahning rak langhter ve.. (Leave a comment)

%d bloggers like this: