Thlanglei Shan ah USSFU nih SAC sakhaan 2 a voikhatnak bik a kah

The Chinland Post | 2022 September 14 – Thlanglei Shan ah a voikhatnak bik cawlcanghnak in SAC sakhaan 2 cu United Southern Shan Federal Union nih kan kah tiah USSFU nih a thanh.

Thlanglei Shan, Pa-O mah tein uknak nawl a ngeimi hmunhma, HsiHseng peng, Naungtaw hmunhma ah a ummi SAC ralkap sakhaan 2 cu September 12 zinglei sml 6:45am ah USSFU nih a kah.

Kahdohnak hi Layin PDF le Pa-O National Defense Force (PNDF) nih SAC ralkap sakhaan 2 cu hmun 4 in hmakhat te ah an kah hna.

Naungtaw gate sakhaan bawi Captain pakhat Sniper nih a khen i a thi, Sniper phu kut in 6 an thi i sakhaan 2 fonh ah SAC ralkap 20 deng an thi tiah USSFU nih a thanh.

Sakhaan 2 cu kan lak khawh ko nain SAC nih vanlawng in voi 6 bom a rak thlak, hriamngan in kah a bawmh, phufonh lei in hriam thazang a der deuh ruang, bawmh ding in a raami PNO phu nih SAC cu a kah duh lo caah USSFU phu kan kir ṭhan tiah a thanh.

SAC sakhaan kahdohnak ah PDF lei in fak tuk in hliam a tuarmi an um lo nain No. 1005 battalion ta a simi 79 bom hriam a rawk i a kaptu hriamtlai 1 a kut aa hliam, NUG kuttang hriamtlai 1 fak tuk loin aa hliam tiah USSFU nih a thanh.

Thlanglei Shan nih hramhram in uknak a si hnuin dothlennak chungah a chunglei piin aa teltum i harnak tampi ruangah hramhram uktu pawl doh loin caan saupi kan um ko nain phufonh nih thlanglei Shan ah a voikhatnak bik kahdohnak a thok si tiah USSFU nih a thanh.

Na ruahning rak langhter ve.. (Leave a comment)

%d bloggers like this: