Paung Peng Pyusawhtee Pawl Sin In Meithal Zuun 6 le Kuanzen An Lak Khawh
The Chinland Post | 2023 July 11 — Mon ram, Pauk peng ah SAC ralkap kuttang pyusawhtee pawl an meithal kan lak khawh tiah KNLA le PDF phufonh, Tapinshwehti Column nih an thanh.
July 9 zaanlei sml 5:00pm hrawng ah Mon ram, Thaton pengkomh, Paung peng, Htanlay khua ah a um mi pyusawhtee hruaitu sin ah meithal pawl a um tiah thawng an theih caah Thaton pengkomh, No. 2 KNLA, PDF phufonh Tapinshwehti Column nih zohfelnak an va tuah tiah theih a si.
Cu zohfelnak an va tuah lio ah Htanlay khua, Pyusawhtee hruaitu Shwe Mya inn an va luh hnawh i Rifle zuun 3, BA 52 zuun 1, kuanbawm 6 le kuan pawl an lak khawh i adang pyusawhtee 2 hna inn zong in Rifle zuun 2 le kuanbawm 2 tiah a zapi meithal zuun 6, kuanbawm 8 le kuan 1,000 hna an lak khawh tiah theih a si.
Pyusawhtee pawl nih kahdohnak tuah ṭhan ve lo in a sung an pek colh caah cu pyusawhtee pawl cu zeihmanh harnak pe lo in ralrin an pek hna i an kir ṭhan tiah theih a si.
About The Author
