PDF chungtel 4 SAC ralkap nih an lu an tan hna
The Chinland Post | 2023 March 3 — Sagaing ramṭhen, Myinmu peng ah (ACID Army People Defense Force) chungtel 2 cu SAC ralkap nih an lu an tan hna tiah theih a si.
February 25 ah Myinmu peng, Nyaungpinkan khua pawng ah bomrap tunh aa tim mi PDF hriamtlai 2 cu SAC ralkap nih an tlaih hna hnu ah February 26 ah an thah hna tiah theih a si. Myinmu peng, Kandaw khua pawng ah SAC ralkap le PDF phu hna karlak ah kahdohnak a chuak i kuan nih a zat ti hna lo caah PDF pawl an kir lei ah PDF hriamtlai 2 an thah hna hi a si.
Thah a tong mi hna hi Ko La Min Sein (kum 15) le Phoe Ke (kum 17) hna an si i an nun bu in an lu an tan hna hi a si tiah theih a si.
Cun February 27 zong ah Kandaw khua ah SAC ralkap le Sadaungmoekyo PDF karlak kahdohnak chung ah PDF hriamtlai 2 an nunnak a liam tiah theih a si.
PDF pawl kuan nih a zat ti hna lo caah ruak la manh lo in an kir i a thaizing kahdohnak hmun an va zoh ṭhan tik ah an lu an rak tan hna kha an hmuh. An lu an tan hna i hautlang ah an rak thlai hna tiah Sadaungmoekyo PDF hruaitu nih RFA ah a chim.
Ref: RFA
About The Author
