Pharuso kahdohkahdohnak ah Sniper kut in SAC ralkap 11 an thi
The Chinland Post | 2022 August 11 – Karen ram, Pharuso peng, Sula khua ah a lutmi SAC ralkap le Myanmar ram a lailei hriamtlai phufonh hna karlak ah kahdohnak a chuak i SAC ralkap 11 cu Sniper nih a thah hna tiah theih a si.
Pharuso ah hmunhma a khuarmi SAC ralkap nih August 9 zinglei sml 5:00am hrawngah hriamngan an kah i kahdohnak an tuah caah cuka hmun hriamtlai phufonh he kahdohnak a chuak i Special Force Sniper nih SAC ralkap 11 a thah hna i mipi hriamtlai lei 2 an i hliam tiah theih a si.
SAC ralkap he kahdohnak chungah Sniper hi a bik in rinhchanmi a si i Sniper kuan khat hi 75,000Ks hrawng a si tiah Myanmar ram a lailei Special Force nih a thanh.
Atu thanhmi cazin hi Sniper nih a thahmi lawng a si tiah an langhter.
