June 17, 2025

Pya khua ah hmunhma a khuar mi SAC ralkap an kah hna, bawmtu mawṭaw zong bom an puah hnawh hna i 13 hrawng an thi

0
Natoegyi PDF cathanh_2022 Nov 20

The Chinland Post | 2022 November 21 – Mandalay ramṭhen, Myingyan peng, Pya khua ah a phan mi SAC ralkap pawl cu PDF phufonh nih an kah hna tiah Myingyan PDF battalion 4 NPDF nih a chim.

November 8 zaanlei sml 5:00pm hrawng ah Pya khua ah a phan mi thazang 30 hrawng SAC ralkap cu Myingyan Battalion 4 le PDF-Mandalay, 27 Revolution Forces le Captain Sa hruaimi Guerrilla phufonh hna nih an kah hna hi a si i kahdohnak sml 1 hrawng a rau tiah a thanh.

Kahdohnak chung ah SAC ralkap lei in 7 an thi i kahdohnak rak bawm ding in a ra mi mawṭaw 3 zong bom an puah hnawh hna tiah Natoegyi PDF nih a chim.

Bom puah hnawh ruang ah SAC ralkap mawṭaw a rawk i SAC ralkap 6 nak tlawm lo an thi tiah a langhter.

Kahdohnak chung ah SAC ralkap sin in MA 11 zuun 1 le 5.56 kuan 27 an fim khawh i PDF phufonh pawl him tein an kir kho tiah theihternak an tuah.

Leave a Reply

Your email address will not be published. Required fields are marked *