Pyin-Oo-Lwin Khua Penguk ZungBawi Le A Changtu Eihmuar Ruangah Rian Phuah Le Kum 10 Thong An Thlak Hna Lai
TCP-Thantlang| 2018 April 26| Mandalay ramthen Pyin-Oo-Lwin khua i penguk zungbawi le a changtu cu eihmuar ruangah tazacuai an si i an rian in an phuah pin hna ah kum 10 veve thong thlak dingin April 26 ah biachanhnak an tuah cang tiah thawng kan theih.
Penguk bawi U Tin Naing Soe le penguk bawichang U Kyaw Kyaw Naing cu 2013 kum eihmuarnak upadi pohmah (56) ning in case pahnih an ngeih caah case pakhat ah rianphuah le kum 5 thong thlak a si i case pahnih ningin kum 10 thong le an rian phuah an ton hi a si.
Hi an case(ahmuh) hi 2016 kum lio in rak zohfel cangmi a si nain tette dikfelmi tampi an ngiatthlai rih caah a tubantuk in a caan an rauhnak hi a si. An eihmuarnak dang zong an ngaitthlai rih hna lai tiah theih a si.
An eihmuarnak cu Ma-Gyi-inn khuate ah vawlei hmun kong ah khuami hna sinin laksawng tiah a halmi hna sing 5, 2014 kum November 11 ni ah pa hni le angki tel in sing 30 le 2015 kum December thla chungah sing 100 hna a hal i a cohlan hna caah a tubantuk in thongthlak an i huah hi a si.
Penguk bawichang U Kyaw Kyaw Naing zong mah khua lila ah 2015 kum May thla chungah Kabar-Aungmay Company sin ah sing 50 voikhat, sing 40 le sing 50 tiin a hal hna caah an tlaih ve nak hi a si.
Ref: The Figth Wave News/ News Watch
About The Author
