May 24, 2024

Thla 16 Chungah Palek Le Ralkap Minung 90 Leng Nih An Rian An Chuah Tak

0

TCP-Thantlang| 2018 April 29| Irrawady ramthen chungin palek le ralkap an lu/bawi deuh pawl kumkhat chungah minung 90 leng nih an rian an chuahtak tiah ramthen palek zung in thawngthanhnak an tuah.

Riantuannak kum nga a tling ko cang nain rianchuahnak an pek hna lo caah chuah nan duh ah cun nan mah ai-awh ah midang nan kawl hna lai tiah ramthen palek bawi nih nawl a rak chuah. 2017 kum ah palek le ralkap i a lubik timi hna minung 5 le a dang 61 an zapi minung 66 chuahnak nawl rakpek an si bantuk in 2018 January in April thla tiang minung 26 zong chuahter dingin a tawlrelpiak hna.

Irrawady ramthen palek nih cun chuahnak nawl a hal mi hi kan cohlan ko hna i rampi zung ah mincazin kan kuat hna. Asinain nan chuah lai ah minung nanmah zaka ah nan kawl ta hna lai timi cu a si lo tiah an chim.

Palek le ralkap in chuah an duh a si ahcun caan rau lo teah tuanvo ngeitu ramthen in rampi ah kuat i chuahnak nawl pek mi zong a caan chungah tuanvo ngeitu zung pakhat hnu pakhat sin ah thawng thanhnak tuah ding a si tiah” tiah Swe-ta-ka-muchit Media nih a tial.
Ref: DVB Burmese 

About The Author

Na ruahning rak langhter ve.. (Leave a comment)

%d bloggers like this: