UN Nih Myanmar Ralkap Sualphawtnak Cu Ralkap Bawizik Min Aung Hlaing Nih A Al Hna

Salai Aung Aung| 2018 May 2| Rakhine ramkulh chaklei ah ARSA hriamtlai phu pawl hmuitinh ah chia in Myanmar ralkap nih tuknak an tuah lio ah Muslim pawl cungah tlaihhrem, mithah le miphun cihmih ding timhtuahnak tiang thil an tuah tiin UN sualphawtnak cu Ralkap Bawizik Bogyokehmogyi Min Aung Hlaing nih a si lomi a si tiah a al hna.

Myanmar ram nunphung le sining ah tlaihhrem cu fihung tlai ningzak thil a si i hibantuk a tuahmi cu fak piin dan kan tat hna, Myanmar ralkap tuanbia ahcun hi bantuk tlaihhrem te hna cu a um lo bal. Hiti sual phawtnak ca i tehte a si timi catlap le hmanthlak pawl hi felfai deuh in chekhlat ulaw ka duh tiah Min Aung Hlaing nih cun amah pumpak facebook cahmai ah a langhter.

Cu lengah UN Humhimnak council palai pawl zong Rakhine ramkulh i an kal tikap ningcang te le buaktlak tein kaphnih minung biahalnak an tuah ding a duhnak kong a chim chih.

November thla lio ah khan UN Humhimnak Council nih Myanmar cozah ralkap sinah, rakhine ramkulh ah raltuknak tuah ti lo ding, tualchung mi zalong tein chawhlehnak nawl, zapi caah aa tlukruang mi tinco nak le rammi sinak covo aa tluk tein hmuh khawhnak ding tawlrel piak awk ah an rak hal.
Ref: RFA Burmese

Leave a Commnet

%d bloggers like this: