Rakhine Ram Raltuk Ruangah Ralzam 200 An Karh Chap

Salai Elvis| 2019 January 14| January 13 ah Kawl ralkap le AA an i kah than caah khuate cheukhat minung 200 renglo nih an khua an chuah tak than tiah Bo-ti-taung Pyine Hluttaw palai U Tun Aung Thein nih a chim.

Palek hmunhma an khuarnak sakhan hmun li kiangkap khuate ah AA ralkap hna cu hmunhma khuar dingin an i humhel len ko.

“An i kahnak pawngkam khuate hna cu riantuan ngam lo in an um lawng si lo in dawr thilri cawk tlunkal hmanh ah thinphang an si. Khua leng an chuah ngam hna lo caah eidin kongkau ah lungrethei an si ko” tiah a cunglei upa nih a chim.

January 4 zinglei ah Bo-ti-taung peng humhimnak vengtu palek sakhan hmun li cu AA ralkap nih an rak kah hna. Hi chungah palek minung 13 an thi i 14 zong AA ralkap nih an tlaih hna i cu ni lila ah an thlah than hna.

A luancia zarh chungah i kahdohnak a chuah caah Rakhine ramkulh le Chin miphun cheukhat tel in ralzam minung 5000 tluk nih an khua an chuahtak i hi chungah a tam bik cu Kyauttaw peng in a zaam mi an tambik tiah theih a si.

Ref: Myanmar Now

Na ruahning rak langhter ve.. (Leave a comment)

%d bloggers like this: