Ral Buainak Hmun Ah A Ummi Mibu Hna Caah Theih Herhmi Phun (15): Geneva Call
Biahramdomhnak: Hi theih herhmi phun 15 hna cu ral buainak nih a hnorsuanmi mibu hna nih anmah tein an i runvenak dingah bawmchantu dingah timhtuahmi a si.
Cun, hriamtlai phu nih mipi cungah zeidah tuanvo an ngeih timi kong le ral buainak chungah mipi nih anmah tein zeitindah huhphenh/kilven dingah an cawlcangh lai timi kha theihter dingah aa tinh fawn.
Phundang in langhter ahcun, hi theih a herhmi phun 15 hna hi humhimnak kongkau sawhsawh lawng si loin anmah hriamtlai phu lei nih an ngeihmi tuanvo kong zong kha aa tel chih.
A sullam cu hi theih herhmi kongkau hi mipi ca lawngah tuahmi si loin hriamtlai lei tuanvo zong aa tel chih, tahchunhnak ah thilchuh le thilfir lo ding timi hna hi cu hriamtlai ca deuh ah tinhmi a si. A tlangpi in a huapmi langhter ahcun, mah phun 15 chungah hin hriamtlai ca nakin mipi caah tuahmi an tam deuh, nain hriamtlai caah tiah dengteo tein langhter kha asi hlei ve lo.
- Dengteo in ral a tumi ralkap le an thilri lawng kha kap hna. Mipi le mipi ngeihmi thilri, cun rampi ngeihmi thilri kha kap hlah.
- Ral teinak caah a thahnem dingmi nakin raltuknak nih a chuahpimi fah le tuarnak kha a fah deuh ding asi ahcun hriamnam hmang hlah.
- Ral na tuk hlan ah siseh na tuk lioah siseh, mipi intuar ding kha a tlawm khawh chung tlawm dingin huhphenh le runven dingah a herhmi timhlamhnak ngei lengmang.
- Khammi hriamnam hmang hlah, cun upadi nih a awnh lo ningin ral tu hlah.
- Nangmah lei kap an si ah, ral lei kap an si ah, a thimi le hliamhma a pumi kha zawn ruahnak he fimhlawm hna.
- Na kut tangah hrenmi/thongtla le ral tlaihmi hna i an covo kha upat piak hna law minung bantuk tein tuahto hna. Zeitik hmanh ah a kongkau hlathlai le zohfel hmasa loin mi that hlah.
- Raltuk lioah mipi kha i khamnak phaw bantuk in hmang hna hlah, cun da-za-khan caah mi tlai hna hlah
- Mipi an nunnak caah tih nung dirhmun le raltuknak caah thial lo tha lo dirhmun asi lo poh ahcun mipi kha an umnak hmun thialter hna hlah.
- Mipi ngeihmi thilri kha upat. Zeitikhmanh ah fir le mi thil lak hmang hlah.
- Nu kha upat. Tlaihhrem le nupa pumsa sinak kha buar hlah, midang an tuah ding zong nawl awnh hlah.
- Ngakchia kha huppheng hna. Ngakchia kha na phu chungah luhter hna hlah. Cun raltuknak ah ngakchia kha hmang hna hlah
- Sizung, mizaw phorhnak mawtaw le ngandamnak riantuantu kha upat hna. Cun ngandamnak rian tuantu phu Red Cross le Red Crescent ta-zeih kha ningcang loin hmang hlah.
- Kap ngei lomi mi bawmtu phu kha mipi nih an herh bantuk in bawmhnak peknak nawl awnh hna.
- Hi raltumi zulhphung hna hi tha tein a takin zul hna. Na ral nih an zulh lo zongah nangmah nih cun zul hna. Hi zulhphung buar in lehrul chamnak cu hrial.
- Hi raltumi zulhphung buarnak cu kham hna. Buarnak a chuah tikah, nan lutlai (commander) sinah phuang. Hibantuk buarnak a chuah ahcun ramkip tlaihtleng ning tein dot-hlat i dantat ding asi.
Theihternak: “Geneva call” 15 key rules for fighters in internal armed conflict: Ramchung raltumi hna caah zulhphun Phun (15) CHRO nih laica lehmi chungin lak mi a si.
About The Author
