May 21, 2024

Ralzaam Buk In American Kick Boxing Ah A Lut Khomi Karen Faphir Hna

0

Aung Aung| 2018 March 6| America ramkomh ramkulh huap siangsangruun boxing thongh zuamnak ah Myanmar ram in ralzaam dirhmun in US a phan mi Karen faphir unau an i tel i thazaang petu zong tampi an ngei tiah theih a si.

Hi unau hna hi an nu le pa nih a thla te lawng an si lio in ramri ralzaam buk an rak phak cang mi hna an si. Kum 9 hrawng an si ah US an phan. Tu an umnak peng siangsang ruun pakhat i Tiger (Cakei) tiah auh mi boxing phu ah min ngei an si cang.

Karen unau hna hi Saakii le Sala an si. Unau hna nih hnu lei an nuncaan kong hi tihin an chim.
“Nuhphu ralzaam buk ah kan rak um. Kum kua hra tluk kan si ah US kan phan. Hi ka cu a hlan kan um nak he cun aa dang tuk law law. Hi ka ahcun vur (hawrha) hna an tla.”

Anmah US ram mi Al Roth le a nupi Mary nih an zohkhenh hna i boxing lei ah an thancho ning kong he pehtlai in Al Roth nih “Hi hna unau te hi US an phak ah tang 2 lawng an si rih. Mirang holh an thiam rih lo. Sianginn ah fak piin zuamnak an ngei i an ningcang a tha. Anmah unau, cun an sianginn ca chimtu hna ka thangthat hna. Hi bantuk in thiamnak ngei mi ah an i chuah hi khuaruah har awk tlak ngai a si” tiah a chim.

Ref: VOA Burmese

About The Author

Na ruahning rak langhter ve.. (Leave a comment)

%d bloggers like this: