May 29, 2024

Thaizing Tanghra Camipuai An Thawk Lai I Ca Aa Firmi Paoh Kumhnih Bar An Si Lai

0

Aung Aung| 2018 March 6| 2017-18 cacawn kum tanghra camipuai cu thaizing (March 7) in an thawk cang lai. Camipuai a phi mi hna nih camipuai phit tik zulh ding phungphai an buar le ca an i fir ahcun kum hnih chung phitnak nawl bar an si lai tiah Myanmar Cacheknak zung lutlai U Moe Myint Kyaw nih a chim. Camipuai a phi mi nih zulhphung an hngalh i dingrep ngei tein camipuai an tuah nak hnga zulhphung tialnak catlap zong an phawt cio hna theih a si.

Myanmar ram pumpi tanghra camipuai cu thaizing (March 7) in an thawk cang lai. Camipuai chung zulh ding mumai a buar mi ngakchia cu a tlawm bik kum hnih in rikhiah um lo tiang bar khawh an si. Hi bantuk in kan tuahnak a ruang cu kum khat hnu kum khat in cafir a tlawm chin nak ding caah kan tuah mi a si tiah U Moe Myint Kyaw nih cun a chim.

A hlan ah cun camipuai chung zulh ding mi kha a cawngtu saya te nih camipuai khan chung ah an rel piak tawn hna. Tukum cu tuanhlan tein zulhphung kha an hngalh nak hnga camipuai phitnak catlap (card) an lak sin ah catlap tein pek chih an si tiah kan theih.

2017-18 cacawn kum ah Myanmar ram pi huap in ramleng in a phi ding cacheknak zung (21) tel in a dihlak ah 1740 an um tiah kan theih. Tukum tanghra camipuai cu March 7 in an thawk cang lai i March 16 ah a donghnak ni ah a dih te lai. Myanmar ram pi huap in siangngakchia sing 8 le thong 40 fai nih an phit lai tiah theih a si.

Ref: Central News Bureau

About The Author

Na ruahning rak langhter ve.. (Leave a comment)