Rihkhawdar Khua Kum 76 Tlinnak Diamond Jubilee Sunglawi Ngai In An Tuah
Salai Elvis| 2018 April 5| India ramri Rihkhawdar khua kum 76 tlinnak Diamond Jubilee cu April 4-5 tiang Rihkhawdar sangthen No.1 certual ah sunglawi ngai in an tuah tiah thawng kan theih.
Mah ni ah Rihkhawdar khua tuanbia chimnak le Pathian thangthatnak zong an tuah chih. Khuanu/pa, khuabawi le tuanvo ngeitu minung paruk tluk nih lungca tial hunnak an tuah, Pu Thang Cuana nih Lungcatial mi relnak a ngei.
Mah ni ah khuatlatu a simi ciruang hna minung pakua le kum 70 cunglei tar hna upat peknak an ngei i an phung le laam ning in hlasaknak zong an ngei. Hi puai cu nihnih chung tuah a si i a nihnihnak caan hmannak cu, nunphung laam le hlasaknak in caan an hmang. Mah ni ah puai a rak zawhmi khual he lai he rawldumtinak an tuahpiak chih hna tiah theih a si.
Rihkhawdar khua cu 1942 kum ah avoikhatnak rak tlak hmasa si i atu an umnak hmun khi avoi thumnak an i thial i an tlakmi khua si. Atu an umnak khua cu khuachia an rak um caah khuami pakua tluk nih Pathian bia in an rak thawl hna hnu 1947 kum in an rak i thial than i a tu ni tiang siarem tein an um kho cang tiah theih a si. Rihkhawdar cu Chinram chungah India le Kawlram chawlehthalnak hmun tha ngai pakhat zong a si.
Ref: IPRD Rihkhawdar
About The Author
