SAC Council Chungtel 6 European Union Nih Sanction An Tuah Chap
Salai Mangpau | July 21, 2023 — Myanmar ram ah SAC ralhrang cu nuhrin covo nawl buarnak pehzulh in a tuah peng ruangah SAC council chungtel upa 2, Minister 3 le Lieutenant General 1 cu EU nih dandat ‘sanction’ an tuah chap than hna tiah theih a si.
Ralhrang council chungtel upa 2 ah Aung Kyaw Min, Porel Aung Thein, ralkap lei Lieutenant General Kyaw Swa Lin, commander of the Bureau of Special Operations, Union Ministers for Immigration and Population (လ၀က) Minister Myint Kyaing, 2021 kum July 2 ah US Union Ministry of Finance of finance lei nih sanction an rak tuahmi, Union Health & Sports Minister Thet Khine Win, 2022 kum, January 31 ah US Union Ministry of Finance lei nih sanction an rak tuah mi, Union Ministry of Labour minister Pwint San hna cu EU nih sanction an tuah hna.
European Union lei in SAC ralkap bawi 99, le an riantuannak phun 19 a zizut sanction an rak tuah bal cang. Hriamnam he aa pehtlai mi paoh zuar le raldoh training tuah `i kong zong dinh ter a sinak kong cu European Union nih thawngthanhnak a tuah.
About The Author
