SAC Ralkap Hmun Ah CDF Kanpetlet Nih An Kah Hna
Salai Mangpau | July 15, 2023 |
Chinramkulh, Kanpetlet peng ah hmunhma a khuar mi SAC ralkap pawl cu July 14 chun sml 12:00pm ah CDF- Kanpetlet nih hriamngan he an va kah hna caah SAC ralkap hliampu an tam. Zaanlei 2:00pm ah SAC an umnak hmun ah naih tein meithal in an va kah chap hna tiah Kanpetlet Voice nih a langhter.
Ralhrang rual nih mipi meithal in an kah hna, eidin facang hramhram in an chuh hna, Kanpetlet khuachung ah Security an lak i a hran tuk ruang ah CDF-Kanpetlet nih kutser hriamngan le Rock Ject he an kah hna i, ralhrang lei hliampu an tam, mipi ralkap cu hliam tuar lo in hnu lei an kir kho than tiah theih a si.
Cun, hmundang a ummi SAC ralkap hmainor an ralkap thazang 100 cu Aang Kyi khua pawng ramlak an phan. Khuachung mipi cu an khua chuaktak in humhimnak hmun ah an i dor hna. Nihin ah Longshay khua in Cindwe peng ah riahcaw phor ding in an rak kai mi ralhrang pawl cu nihin
(July 15) ah CDF-Kanpetlet he kahdohnak a chuah than caah khua um mipi cu ramlak ah an zaam tiah a langhter.
Mah kahdohnak ruang ah Kanpetlet khuachung ah Jet fighter cu nizan July 14 ah voi 4/5 a rak zuang i, khuami ralzaam bawmhnak zong kan herh ko tiah Intern Administration Kanpetlet riantuantu sin in thawng theih a si tiah Kanpetlet Voice nih thawngthanhnak a tuah.
About The Author
