SAC ralkap nih khangh ruangah Taal khua inn 7 lawng a taang
The Chinland Post | 2022 July 20 – Chin ramkulh, Falam peng, Taal khua cu SAC ralkap nih voi 3 tiang an khangh ruangah atu ahcun khuachung ah inn 7 lawng a taang cang tiah theih a si.
A taangmi inn hna cu mipi umnak inn 4, biakinn 1, sianginn 1 le cazi uknak inn 1 an si.
Falam-Hakha lamcung ah a ummi Taal khua cu SAC ralkap nih 2021 October 18 ah inn 3, October 25 ah inn 9 le 2022 July 9 ah inn 29 an khangh.
A rawkmi thilrii le inn pawl cu Taal le a pawngkam khuami 300 hrawng nih July 20 ah thianhhlimnak an tuah tiah theih a si.