SAC Ralkap Nih PDF Sakhaan Pakhat An Luhhnawh Hna, PDF Hriamtlai 2 An Nunnak A Liam
![](https://i0.wp.com/thechinlandpost.info/wp-content/uploads/2024/06/Minhla-um-PDF-sakhaan-an-luhhnawh-hna_2024_June_5-scaled.jpg?fit=640%2C360&ssl=1)
The Chinland Post | 2024 June 5 — Bago ramṭhen, Minhla peng, Bago Yoma chung ah a um mi PDF nih chikhat caah an sak mi sakhaan pakhat cu SAC ralkap nih an luhhnawh hna i sakhaan chung thilri vialte an hrawh dih tiah theih a si.
A luancia June 1, chun ah Myochaung-Seinkanlan lam pawng ah Tayarwaddy pengkomh, PDF Battalion 3802, Company 5 nih chikhat dornak caah an sak mi sakhaan cu thazang 70 leng SAC ralkap nih an luhhnawh hna caah kaphnih karlak kahdohbak a fak tiah theih a si.
Kaphnih karlak kahdohnak chung ah kum 20 hrawng PDF 2 an nunnak a liam i sakhaan chung um cycle, mawṭaw telh in thilri tampi sing 300 leng man an sung tiah theih a si.
June 2 chun ah Myochaung-Seinkanlan lam, Thabyu tiva hlei pawng ah kahdohnak a chuak ṭhan tiah theih a si.