Ye Khua SAC Ralkap Pawl Ye Bilu Phu Nih An Kah Hna
The Chinland Post | 2023 June 29 — Mon ram, Ye peng, Kalawgyi khua ah hmunhma a khuar mi SAC ralkap pawl cu June 28 zinglei sml 8:30am hrawng ah Ye Bilu phu nih an kah hna tiah theih a si.
SAC ralkap 15 hrawng nih an rak i cit mi mawṭaw an kah hna i SAC ralkap 5 an thi, hliam a tuar mi zong an um tiah Ye Bilu phu nih cathanh an chuah.
Ralkap sianginn ah sianginn a kai mi siahngakchia pawl a thlah tawntu mawṭaw a phak hlan ah atu bantuk in SAC ralkap pawl nih himnak an lakpiak tawn hna. Cu bantuk in himnak lampiak ding in an i chawh lio ah Ye Bilu phu nih an kah hna hi a si tiah theih a si.
Ye Bilu phu nih kahdohnak kan tuah lengmang cang lai tiah cathanh an chuah hnu ah kahdohnak pehzulh in an tuah lengmang i a luancia June 22 zong ah Kalaw khua pawng ah a um mi Chaungtaung hlei Gate cu an kah i SAC ralkap 4 an rak thi.
About The Author
