Sagaing Ramthen Chung Paoh Sianginn Kai Caan An Thlen

0

Salai CungCung|2019 June 5| Khuacaan a linh tuk caah Sagaing ramthen Basic Education School sianginn kai caan an thlen tiah ramkomh cozah in Social Affair minister Dr. Zaw Win nih a chim.

Sagaing ramthen Basic School, Middle School, High School zapi cu June 3 in ca cawn hram thawk ding a si nain khuacaan a linh tuk ruang ah sianginn kai caan zing suimilam 9 in zaanlei suimilam 3 tiang si ti lo in zing suimilam 7 in chun suimilam 12 tiang kai a si cang lai tiah kan theih.

 “Khuacaan a linh tuk caah siangngakchia ngandamnak lei harnak a chuak sual lai ti kan phan caah sianginn kai caan kan thlen hi a si. Tu hrawng cu ruah a sur pah cang nain nilinh hi a fah tuk caah tu thla ni linh zohchun in sianginn kai caan thlen remh a si te lai” tiah Dr. Zaw Win nih a chim.

June 3 thawk in Sagaing ramthen ah Basic School 5000 leng sianginn hun a si cang i siangngakchia cazin lak lio pi a si tiah U Sen Maung nih a chim.

Fur caan ah khuacaan a linh tuk lio ah cun tubantuk in caan thlen in kai caan hi a um tawn. Ngakchia hi zing lei a kih lio te ah sianginn an kai i chun a linh caan ah inn ah umter hi a tha mi a si. Caan thlen a si ruang ah siangngakchia caah zeihmanh hnahnawhnak a um lo” tiah Sagaing ramthen in siangngakchia zohkhentu pakhat nih a chim.

About The Author

Na ruahning rak langhter ve.. (Leave a comment)

%d bloggers like this: