Sami Ah Ralkap Nih Bom A Thlak
The Chinland Post | 2024 January 15 — Chin ramkulh, Paletwa peng, Sami khua ah ralkap nih bom a thlak tiah Kimo Media nih a langhter.
January 14 chun ah ralkap lei nih Sami khua ah vanlawng in bom voi 3 tiang a thlak hi a si tiah theih a si.
“Sami khua ah bomthlak thawng kan theih. Bom thawng hi cu voi 3 tiang a thang. Ralzaam kan si caah kan umnak Sami khua ah thil lak ding in kan kal nain AA nih Sami khuachung luhnak nawl an kan awnh lo” tiah ralzam pakhat nih Kimo media ah a chim.
Sami khua ah ralkap le AA karlak ah kahdohnak a fah caah AA nih khuami pawl kha khuachung luhnak nawl a awnh hna lo.
Hmanthlak- 2023 December 28 ah ralkap nih Sami khua mipi inn le biakinn bom a thlak mi (hmanthlak hlun)
About The Author
