Sekan Khua Cu SAC Ralkap Nih Nithum Chung Pehzulh In An Khangh
The Chinland Post | 2023 October 9 — SAC ralkap pawl nih Kalay peng, Sekan khua cu October 9 zinglei sml 7:00am thawk in nithum tiang mipi inn pawl an khangh tiah Zalen nih a langhter.
Sekan khuami pakhat nih “An khanghnak hmun pawl in meikhu a chuah thluahmah kha kan hei hmuh khawh. Zeihmanh kan tuah khawh mi a um lo. Hei cuanh lawng khi a si ko. Tuni in cun nithum tiang khua ning in khangh an i tim ko rua” tiah Zalen ah a chim.
October 7 zinglei ah SAC ralkap pawl Sekan khua ah an lut hna i khangh hram an thawk. Nizaan zaanlei in zaan tiang an khangh.
SAC ralkap pawl nih October 7 ah tufa hna zong an rak thah hna i an ruak an rak khangh hna.
SAC ralkap pawl nih tukum chung ah Sekan khua cu a voihnihnak an khangh a si i Tukum January 5 le January 6 ah inn 89 an khangh cang tiah Zalen nih a langhter.
About The Author
