Sekan Khua Pawng Ah Ralhrang Pawl Nih Tualchung Mi 2 Tlaih Hna I An Khangh Hna
Salai Mangpau | August 13, 2023 — Kalaymyo Sekan khua pawng lungterep rialnak ah ralhrang pawl nih Kyunchaung ကျွန်းချောင်း khua mi nufa mei an khangh hna tiah Chinlung Today sin in theih a si.
August 12 chun ah ကျွန်းချောင်း khua in sikhan zohter ding in a kal mi nufa hna cu ralhrang pawl nih an tlaih hna i an thah hna. An thah mi hi Pi Hoi Iang ဒေါ်ဟွေးအီယာန် (Kum 50) hrawng, a fapa Samuel (Kum 30 hrawng) an si i an motor bike zong an kangh chih. ကျွန်းချောင်း khua hi Tazakung le Santha khua karlak a um mi khua a si.
August 10-11 ah a cang mo Kalaymyo peng, Myo Hla le Sekan (Ceikkan) khua karlak ah SAC ralkap le mipi hriamtlai phu hna karlak kahdohnak ah ralhrang 4 le Pyusawhtii 7 an thi. Ralhrang pawl nih kahdohnak a dih hnu ah Kalaymyo nitlak thlanglei khua ah hriamngan in an kah ruang ah Sekan khua Independent Presbyterian Church a hrawk tiah khuami sin in theih a si.
About The Author
