June 17, 2024

Shan Cozah Bu Nih Minister Pathum Ramleng Chuahnak Nawl A Pe Duh Hna Lo

0

Salai Bawi | 2018 June 4| A himmi rawl le eidin kong he pehtlai in Indonesia ram i hlathlainak tuahding le cawnnak tuahding ah Shan ramkulh miphun kongkau (Ethnic Affair Minister) pathum le hluttaw palai cheukhat cu Shan ramkulh cozah bu nih ramleng chuahnak nawl a pe duh hna lo.

Hi ramleng khualtlawn ding hi President zung lei in theihternak le zulh dingmi phung he aa kalh caah khualtlawnnak nawl kan pek lo mi hna asi tiah Shan Ramkulh Chief Minister ai awh in U Soe Soe Zaw nih ca lehnak a kuat hna.

Shan ramkulh cozah nih ramleng khualtlawnnak nawl a pek lomi ah hin; Aa Kha, Lisu le Lahu miphun kongkau minister pathum an si i a dang Shan ramkulh hluttaw palai minung 7 zong an i tel tiah U Aabe La nih a chim.

Hi Indonesia kalnak hi MySop timi bu tawlrelnak in a himmi rawl le eidin kong va hlathlai le cawnnak va tuah ding a si. A kal ding tiah timi hi Shan ramkulh ah thimnak in teinak a hmumi party 12 in minung 24 kal ding a si. Nain, cozah lei in president nih zulh ding a timi phung he aa kalh tiah a ti caah miphun kongkau vuanci pathum le a dang hluttaw palai 7 cu kal kho lo in an taan hi a si.

“Atu kal dingah kan hal mi hna hi June 3 in 8 tiang Indonesia ram ah hlathlainak va kal ding a si. Asinain June 1 ah cozah lei nih kalnak nawl a kan onh lo caah ram caah a tuan lomi vaunthan kan si bantuk in a kan hruaitu president nawl kan ngaihnak hi a si” tiah U Aabe La nih a chim.
Ref: DVB Burmese

About The Author

Na ruahning rak langhter ve.. (Leave a comment)