Shan Ram Thlanglei Pa’ O Ram Hsi Hseng Peng Cu PNLA Le Tangti Phu Hna Nih An Lak Khawh Cang
The Chinland Post | January 26, 2024 — Shan ram thlanglei, Hsi Hseng ဆီဆိုင်မြို့ kahdohnak cu January 24 in an thawk i January 25 ah peng khuapi cu PNLA le ṭangti phu ralkap nih an lak cang tiah theih a si.
January 24 zaanlei ah Pa’O ram khualipi Hsi Hseng ဆီဆိုင်မြို့ khuachung kahdohnak a um hnu ah January 25 ni zaanlei ah Hsi Hseng khua cu PNLA le ṭangti phu hna nih an lak, atu lio Hsi Hseng khua ah PNLA le ṭangṭi phu hna nih hmun an lak dih cang, Hsi Hseng peng ah SAC nih vanlawng in bom a thlak ruang ah tualchung mipi cheukhat an thi. Hsi Hseng khuachung um palek sakhan cu SAC ralkap le palek nih an chuah tak cang hnu ah PNLA le ṭangti phu hna nih sakhan an rak lak cang.
His Hseng peng chung ah SAC kuttang um PNO nih khatlei, PNLA le tangti bu hna nih phu khat fonh in kahdohnak a tuah hi a si i January 20, Ho Pung peng, Si Phu khua ah SAC ralkap le an kuttang um PNO bu le PNLA/PNLO kar ah kahdohnak a um hnu ah atu Hsi Hseng khua tiang kahdohnak an tuah hi a si tiah Khit Thit media nih a chim.
PNLA lei thawngthanhnak ahcun January 26 ni ah SAC lei nih Pa’O ram khualipi His Hseng peng le khuate 4 ah Jet fighter le Y 12 nih bom voi 20 in pound 500 rit mi bom 100 leng a thlak ruang ah Pa’O ram um inn le lo tampi aa rawk tiah tualchung mi nih an chim.
About The Author
