July 25, 2024

Shwebo Peng Ah SAC Ralkap Voi 2 An Kah Hna, 5 An Thi I PDF 1 A Nunnak A Liam

0

The Chinland Post | 2023 July 7 — Sagaing ramṭhen, Shwebo peng ah SAC ralkap pawl voi 2 an kah hna i SAC ralkap 5 an thi tiah MDF-Shwebo nih thawng an thanh.

July 30 zinglei, Seikkhun khua ah hmunhma a khuar mi SAC ralkap nih khuate chung lut ding in an i thawh lio ah PDF phu pawl nih Sniper, hriamngan le meithal in an kah hna caah SAC ralkap pawl cu hnu a an tolh ṭhan tiah theih a si.

July 31 zinglei ah lam tonnak ah buk a sak mi SAC ralkap pawl nih MG, 60MM, RPG pawl an thlah i kahdohnak tuah ding an i timh lio ah PDF phu pawl nih an kah ṭhan hna i SAC ralkap 5 an thi tiah theih a si.

Cu SAC ralkap pawl nih August 4 zinglei ah aa hliam mi SAC ralkap pawl an phorh hna i Minchin pyusawhtee khuachung an luhpi hna lio ah kahdohnak a chuak ṭhan i PDF 1 a nunnak a liam tiah theih a si.

Kahdohnak chung ah MDF-Shwebo, 96 Soldiers-PDF, LPDF, BLDF, SRAFM, BGF-Myingyan le adang PDF phu tampi bawm in SAC ralkap an doh hna tiah theih a si.

About The Author

Na ruahning rak langhter ve.. (Leave a comment)