Sianghleirun Kainak A Sok Lomi Paoh Hmailei Cacawn Kum Cun Distance Education Lawng In Cohlan An Si Cang Lai
City Hunter| 2018 July 2| 2018 kum tanghra awngmi hna cu tukum ah ah sianghleirun kainak an sok lo ahcun hmailei fimcawnnak kum ahcun sok onh an si ti lai lo, distance education (a-wai-tin) lawng in cohlan le onh an si cang lai tiah Kawlram fimcawnnak ministry zung nih an thanh.
Tukum ah sianghleirun kainak a sok lomi paoh cu hmailei cacawn kum ah caanhmaang siangngakchia in (day in) sianghleirun, degree college kainak nawl kan onh ti hna lai lo tiah 2018 sianghleirun sokning cauk ah an telh.
“Sianghleirun kainak sok hrimhrim a hau. An sok lo ahcun pawcawmnak (insti-tute) sianghleirun kai an ngah ti lai lo. Day in an kai kho ti lai lo. Distance Education (a-wai-tin) lawng an kai kho cang lai timi policy a um” tiah Kawlrawm fimcawnnak zung in Director Dr. Saw Khaing nih a chim.
Tukum tanghra awngmi paoh a ralaimi cacawn kum i an kai khawh lo zong ah hmailei cacawn kum ah day in an kai khawh nakhnga tukum ah sianghleirun kainak tlolh lo te in an sok hrimhrim a hau.
2018 kum tanghra awngmi paoh Kawlram sianghleirun 23 ah June 26 in sok khawh a si cang i July 20 tiang lawng soknak caan an onh caah hi chung ah sok hrimhrim a herh.
Sianghleirun kainak ding sokmi result cu November thla ah an thanh lai i December thla zarhkhatnak in sianginn ka ihram thawk colh a si lai.
Ref: 7Day News
About The Author
