Siangniamruun Siangcachim 50,000 A Bau Mi Hna Cu  2022-2023 Cacawn Kum Ah An Phihkhar Dih Lai

0

Salai Elvis| 2019 July 22| Kawlram fimcawnnak sianginn, siangniamruun (Primary School) siangcachim saya/ma a baumi 50,000 cu kum khat ah minung 10,000 tete in phihkhar ding le 2022-2023 cacawn kum tiangah a baumi um lo ding in kan phihkhar dih lai tiah fimcawnnak kong tawlrel tu zung in theih a si.

Atu lio ah siangniamruun cachim tu saya/ma cu minung 50,000 tluk an chambau mi kongah kumkhat ah a ningpi in rianpek a har deuh lai caah kumkhat minung 10,000 tete in 2022-2023 cacawn kum ah a dih lak in phihkhar dih ding timhtuahnak ngeih a si nak, tukum thok in nica thlahlawh pek in saya/ma rian pek an si lai nak kong fimcawnnak zung in theih a si.

“Ni ca thlahlawh pek in saya/ma rian pek ding kongzong caan rau lo teah kan auh colh hna lai, cunglei nih hnatlak pi mi lawng hngah a si cang. Kumkhat chungah minung 50000 rianpek timi cu a si kho deuh lai lo. Cozah nih rianpeknak kongah upadi a thlenremh mi tete a um caah tlawmpal cu zohfel than a hau mi zong a um” tiah fimcawnnak Director U Ko Lay Win nih a chim.

(Ref: Democracy today)

About The Author

Na ruahning rak langhter ve.. (Leave a comment)

%d bloggers like this: