Sintgu Peng Ywartar Khua Pyusawhti Sakhan Le Watlet Peng Sainaingkyi Kahdohnak Ah SAC Ralkap 19 An Thi
Salai Mangpau | September 3, 2023 — Mandalay ramṭhen, Sintgu peng, Hintarywarma, Ywartar khua Pyusawhti sakhaan le Watlet peng Sainaingkyi ah hmunhma a la mi SAC ralkap pawl Drone bomb thlaknak ah SAC ralkap 19 an thi tiah Shwebo pengkomh mipi ralkap battalion 15 (Eagle Guerrilla Force) bu hruaitu Bo Kouk Yor nih Khit Thit ah an chim.
August 30 zaan sml 9: 40pm in September 1, zaan 9:40 pm tiang Sintgu peng Ywarar khua pyusawhti sahaan cu Drone bomb lung 42 an thlaknak ah SAC ralkap bawi nupi le pyusawhti hruaitu telh in 16 an thi, hliamtuar 8 an um, pyusawhti a thi mi an ruak cu Ywartar khua Nuarchaingkung thlam ah an vui hna tiah theih a si.
SAC ralkap lei in 81MM hriamngan in pawngkam khua an hun kah ve hna, mipi ralkap lei hliam tuar um lo tein hnu an kir kho ti thawng theih a si.
Watlet peng Sainaingkyi ah khualtlawng mi motor pawl sin in tangka hal a hmang mi SAC gate pakhat umnak cu August 29 zing sml 10: 20am ah drone in bom an thlak hna i ralkap 3 an thi tiah Shwebo battalion 15 (Eagle Guerilla Force) nih an chim chap.
Mah kahdohnak ah Eagle Guerrilla Force, Kyaukse peng Nagani Drone bu, Kyaukse peng Nagani battalion 1, Meikthila mipi ralkap Drone bu, Lighting Drone Force, Shar Htoo Waw lei in Drop For Justice, Shar Htoo Waw lei CDSOM, Yebawtungceik, Shwebo Battalion 15 Fight For Freedom bu le Monywar peng Battalion 21 kuttang 2 bu in NDRF ṭangrual phufonh in an kah hna tiah theih a si.
About The Author
