Tanintharyi Ramthen Launglun Peng Kahnak Ah SAC Ralkap 15 Leng An Thi
The Chinlandpost | November 12, 2023 — Tanintharyi ramthen, Launglun peng um khuate lei ah hmunhma la ding in a rak kai mi SAC ralkap rual cu PDF ṭangṭi pawl nih lambawh in an rak kah hna i SAC lei 15 leng an thi ko lai tiah Launglun peng LLPDF nih People Spring sin ah a chim.
SAC ralkap 60 leng cu November 8 ni zinglei ah tualchung mipi kha khamhnak hmang in Launglun peng Kyauksin khua lei ah hmunhma la ding in an rak kai.
November 9 zinglei ah Kyauksin khua in Kayinkyi khua lei an rak rat lio ah mipi ralkap nih lambawh in an kah hna hi a si.
Kaphnih kahdohnak hi minute 40 hrawng a rau, SAC lei 15 hrawng an thih hi mithmuh bak a si. Hliam a tuar mi zong an tam. SAC ralkap pawl khuate an luh caan paoh ah tualchung mi 10nak tlawnlo cu khamhnak hmang in an kal umnak ah an kalpi tawn hna.
Kahdohnak ah a thi mi ruak le hliamtuar mi hna cu SAC ralkap nih Launglun khua lei an kal pi hna i tu hi Kayinkyi khua pawng Kanbani khua ah an i kap cuahmah lio a si tiah theih a si.
Photo/ Launglun peng mipi ralkap LLPDF hmanthlak
About The Author
