Tedim Khua LIB 269 In Ralkap 3 CDM An Tuah
The Chinland Post | 2024 January 9 — Chin ramkulh, Tedim khua hrambunh LIB 269 in ralkap 3 cu hriam he PDF-Zoland sin ah CDM an tuah tiah PDF-Zoland nih an thanh.
Cu ralkap 3 nih January 6 ah CDM an rak tuah hi a si i MA-3 zuun 3, kuanbawm 12, Energa bom 8, 40MM bom 9, kuan tampi le kahdohnak thilri pawl he CDM an rak tuah hi a si.
Cubantuk in December 27 zong ah Tedim hrambunh LIB 269 in Lt. Corporal Wai Lin cu Sagaing ramṭhen thlanglei, Yinmarbin pengkomh, Pale peng mipi uknak phu sin ah MA-3 meithal zuun 1, kuanbawm 5, kuan 150, 40MM bom 10, Grenade 1 he CDM a rak tuah.
About The Author
