Theinni Le Kutkai Cu Kan Lak Cang Tiah Unau Hawikom Phu Nih An Thanh
The Chinland Post | 2024 January 8 — Shan ram chaklei, Theinni le Kutkai khua um ralkap sakhaan pawl cu January 7 zaanlei ah tlamtling tein kan lak dih cang tiah unau hawikom phu nih 2024 January 8 ah an thanh.
“Ralkap nih Theinni ah hram an bunh mi MOC 16 Headquarters cu January 7 zinglei ah an lak khawh i Kutkai byuha zong zaan sml 11:00pm ah tlamtling tein an lak khawh.
Ralkap lei nih vanlawng le hriamngan hmang in kahdohnak fak an tuah tiah RFA nih a langhter.
Kutkai khua um ralkap sakhaan pawl cu January thawk in kahdoh hram an rak thawk i January 7 zaanlei tiang ralkap lei nih vanlawng in bom a thlak tiah khuami hna nih RFA ah an chim.
Asinain zaan ah Kutkai byuha cu unau hawikom phu nih an lak khawh tiah min langhter a duh lo mi, kahdohnak chung aa tel ve mi nih RFA ah a fehter.
Unau hawikom phu hna nih Kutkai le Theinni kahdohnak he pehtlai in kahdohnak dirhmun cu pehzulh in kan thanh lai tiah an chim.
January 4 zong ah Laukkai hrambunh MOC kuttang battalion pawl nih hriam an chiah caah Laukkai khua cu MNDAA nih a lak bantuk in UWSA zong nih Hupan le Panlung khua an uk tiah RFA nih cun a ṭial.
Operation 1027 chung ah Shan ram chaklei hmunhma ah a um mi Chinshawhaw, Laukkai, Hupan, Panlung, Pansai, Konkyain, Kutkai, Namhsan, Mantung, Namhkhan, Maingaw, Mailung tiah khua 14 hna cu unau hawikom phu nih an lak khawh cang.
About The Author
