Tedim, Mualbem Khua Cu SAC Nih Bom A Thlak, Mipi 2 An Thi
The Chinland Post | 2024 May 27 — Chin ramkulh, Tedim peng, Mualbem khua cu SAC nih May 26 zinglei sml 3:00am hrawng ah vanlawng in bom a thlak caah mipi 2 an thi tiah theih a si.
SAC nih kahdohnak zeihmanh um lo pi in Tedim khua in meng 18 hrawng aa hlatnak Mualbem khuachung Dainuai sang cu kahdohnak vanlawng in bom a thlak hi a si i Machine Gun pawl zong in a kah tiah thawng theih a si.
Bomthlak ruang ah pafa hna 2 an thi i adang minung 1 aa hlian tiah theih a si.
Cun mipi inn pakhat zong a ciam i Baptist biakinn telh in mipi inn cheukhat zong a rawk tiah theih a si.
SAC nih cun Mualbem khua pawng, Vangte khua zong May 26 zinglei ah bom a thlak nain mipi hliamtuar le a thi mi an um lo tiah theih a si.
About The Author
