Tedim Peng Theizang Khua Pawng Ah Haimual Jeep Aa Let I A Mongtu Pa A Thi
TCP-Kalay| 2019 June 6| Kalaymyo in Meng(22/2) aa hlatnak Theizang khua pawng June 5 ah Haimual Jeep aa let i a mongtu (driver) pa a thi tiah thawng kan theih.
Theizang khua mi hna nih june 5,2019 ah khuachung ti a rat lo caah ti pipe zoh an kal lio ah Haimual jeep pakhat tlangtang a ril i a mongtu pa a thih kha an hmunh. Khaikam peng palek sakhan i report an pek hnu ah palek bawi Kyaw Tan Oo le palek 5 le Theizang khuabawi U Sein Khamh Mang cu motor aa lehnak hmun in pe 300 hrawng tlangtang ah a tlami motor cu an va hmuh. Cuka hmun in pe 150 a hlatnak ah aa hlonhmi Motor driver pa cu Pau Cin Mual kum 21 a si, a pa min U Thang Khant Lung a si. A thi mi motor driver pa cu a mit tlang a phing, a hnakhaw thi a chuak, a hnarthi a chuak, tibantuk in hliamhma a tuar caah a ruak cu Kalay Sii-inn ah palek nih an kal pi tiah kan theih.
Mah a thimi motor mongtu pa Pau Chin Mual cu Khaikam peng palek sakhan nih Yin(pah)5/2019, Pohmah 304/A in ahmunh an tuah tiah thawng kan theih.
Credit: IPRD Khaikam
About The Author
