Thai ram ah mawṭaw lehnak in a thimi Chinmi pa 3 an vui cang hna
The Chinland Post | 2022 August 29 – Malaysia ram ah phungning loin an rak luh lio August 17 ah Chinmi pa 3 le Rakhine miphun pa 1 cu mawṭaw lehnak in an rak thi.
A thimi hna an ruak cu Myanmar ram ah rak phorh khawh a si lo caah Myanmar ram he aa naihnak bik Maesot khua khrihfa thlaan hmun pakhat ah Mingalar khrihfa bu tawlrelnak in August 28 Thai caan sml 2:00pm ah an vui hna tiah theih a si.
A thimi hna hi Kalaymyo, Indaigone sang in Pu Hu Lian (Kum 26), Kalaymyo, Tanpho khuami Pu Za Nei Khup (Kum 30) le Yangon in Ko Kyaw Lin Naing (kum 27) hna an si. Rakhine miphun pa a ruak cu Buddhist phungning tein an khangh tiah Zalen nih a ṭial.
Atu a thimi hna le adang minung 33 nih an i citmi nawṭaw nih thungkung a pah i a hmun ah minung 3 an thi i sizung ah pakhat a thi tiah theih a si. A dam cangmi pawl zong an zaam dih tiah theih a si.
About The Author
