Thantlang Chin Miphun Ni Ah Chin IDOL Esther An Sawm Lai

0

Salai Elvis| 2018 January 25| Thantlang ah tuah dingmi avoi 70nak Chin Miphun Ni ah Chin IDOL i pakhatnak a hmumi Esther Dawt Chin Sung an sawm lai tiah tahwng kan theih.

“Atu tiang Thantlang Chin Miphun Ni ah hlasak thiam kan sawmmi hna ah Chin IDOL pakhatnak a hmumi Esther Dawt Chin Sung sawm a  si i amah lawng nih ka si kho lai a kan ti rih, a dang cu chim awk an tha rih lo. Mah ni ah khuangcawi zong kan i tim i mizei a si lai cu a fiang rih lo. Khuangcawi ding ahcun amah kan cawi ding le an chungkhar hnatlaknak zong a haumi a si. Thantlang Chin Miphun Ni le Pengtlang pumpululh chuihzuamnak (taung-caw) zong peh a  si lai caah, ni 19 zan le 20 zan khi nuamhnak (Show) zan hnih tuah a si lai” tiah tuanvo ngeitu Pu Ram Khar nih TCP ah a chim.

Thantlang Chin Miphun Ni ah  Biaknak (bukip fonh ai-awh) lei in thlacamnak le pumhnak caan tawi te zong an tuah chih lai.  Chin Miphun Ni he pehtlai in tuanbia tial zuamnak zong a um lai i laksawng zong Chin Family Group nih an pek hna lai ti kan theih. +++

About The Author

Na ruahning rak langhter ve.. (Leave a comment)

%d bloggers like this: