Thantlang Khua Ah A Voikhatnak Public Talk An Tuah
Salai Elvis| 2018 July 21| July 20 Thantlang Town Hall ah Pian-cia-zi hruainak in ‘pawngkam kokek ral a zor deuhnak ding kong’ tlangtar in a voi khatnak mizapi he ceihhmaitinak an tuah tiah theih a si.
Mah ni ah ceihhmai tu hna ah sawm mi hna cu; Dr Hmuh Thang (Pyine Hluttaw palai), penguk zung lutlai U Swam Htet, palek bawi chang U Kyaw Naing Oo, U Lian Cinh Khaing (khuate thanchonak zung lutlai), U Saw Kaung Htet Sai (meithahnak zung lutlai) le U Ye Yint Tu (Network Activities Group – NAG) hna nih mizapi hmai ah ceihmainak an ngei.
Ramkulh pian-cia-zi Director changtu U Kham Lian Suan nih pawngkam kokek ral a zor khawhdeuh ding kong le mizapi he hmunkhat ah i ceihhmaitinak an tuah hnawh channak a ruang chimfiannak a ngeih hna, Thantlang khuanu/pa Chiarman Pu Siang Zel nih lunglawmh biatawi chimnak le an ceihmi chungin biahalnak le bialehnak zong an ngei.
Atu bantuk in mizapi he ceihhmaitinak (public talk) hi ramthen le ramkulh dang zongah pian-cia-zi hruainak in tuah cio a si. Cu bantuk in Chin ramkulh khuate cheukhat ah tuah an si hna i khuapi chung ah a tu bantuk in a tuahmi cu Thantlang khua lawng an si rih. Public Talk cu pehzulh in tuah an i tim i a voi hnihnak tlangtar cu “Upadi” lei kongkau an ceihhmai cang lai tiah theih a si.+++
About The Author
