Thantlang Khuachung Dawrkhan 5 Rawkmi Anmah Tein An Theh I An I Sak Than Lai

Salai Elvis| 2018 June 21| June 10 hrawng ruahsur ruangah a rawkmi Thantlang khuachung sianginn sang dawrkhan 5 cu June 20 in thehhram an thawk i dawr ngeitu lila nih anmah thazaang tein an sak than lai tiah theih a si.

Hi dawrkhan a rawh hlan in a chiat tuk caah dawr ngeitu hna nih thehnak nawl rak hal a si. Thehnak nawl zarhhnih tluk rak pek an si cang ko nain an theh lo ruangah Jun 20 ni in sipin, pelek le meithat zung bawmhnak in an theh hi a si.

“A rawh hlan piin thehnak nawl kan rak hal i rak thet u ti zong ca rak kan pe diam cang hna seh law a lo. Dawrngeitu hna nih zeihmanh kan theih lo tikah June 20 ceo lawngin cunglei nawl ngeitu hna nih an theh kan hmuh tikah, dawr ngeitu nih kanmah tein kan i theh ko lai kan ti hna i a taangmi cu kan i theh lai a sak zong kanmah tein sak a si ko lai” tiah dawrngeitu Nu Pen nih a chim.

dawrkhaan an theh hlan

“Vawlei lawng zaanglek zung i a si. Dawrkhan hi dawr ngeitu hna nih anmah tein an rak i sakmi a si. Atutan a rawkmi zong hi anmah thazaang tein an i sak ko lai. Thlakhat ah 5000 tu kanmah sinah an pek lai i dawrkhan khan 11 ning in an theh lai i sak a si lai. Dot khat lawng an sak cang lai i a cung bik ah pumpululh chuih zohnak a um lai” tiah Thantlang peng zaanglek zung lutlai nih TCP ah chim.

“Dawrkhan a rawkmi hi khan nga a si i tlakrawh inn in nan sak ding a si caah minung panga nih cun a saknak ah sing 20 nak tlawm lo cio i thawh in kan dih cio te lai” tiah dawrngeitu pakhat nih TCP ah a chim.

Na ruahning rak langhter ve.. (Leave a comment)

%d bloggers like this: