Thantlang Khuacuanhnak Tlang Caangdonh Hlei Kainak Riantuan Hram An Thok
Salai Elvis| 2018 March 20| Thantlang khuachung cuanhnak (view point) minung kainak caangdonh (step) hlei cu April thla chung dih dingin rian hma an thawk cang tiah theih a si.
Hi rian cu Vuichip Company nih ks. 19,500,000 dih in aa tlaihmi a si i tukum April thla chung ah dih dingin a tuan lai.
Mah caangdonh hlei cu RC biakinn in khuacuanhnak karlak pe 200 lawng a si lai i pe 100 dan ah dinh hmun pakhat tuah a si lai.
“Tukum chungah minung kalnak caangdonh hlei kan tuah hmasa lai i hmaikum lei ah zalam pi in RC biakinn tiang khi Concrete pe 12 kau le zung 6 chah in a kai than ve te lai. Cun View Point Tower ca zong a tu hi budget kan hal lio a si i 2018-2019 kum ah hin an kan pek lai ti kan zumh” tiah sipin committee Chairman Pu Ram Khar nih TCP ah a chim.
Thantlang khuachung khuacuanhnak tlang an tuah hnu in ni khat minung 20nak tlawm lo lam an leng i zarhpini chun caan ko ah minung an tam khun tiah theih a si.+++
About The Author
