Thla 6 Chungah Kalay Pengkomh Motor Le Cycle Accident Nakin Minung 40 Leng An Thi
TCP-Online| 2018 July 20| Kalay pengkomh simi Kalay, Kalaywah le Minkin peng ah 2018 kum thla 6 chungah motor le cycle khawndennak (accident) in a thimi minung 40 leng an si cang tiah pengkomh palek zung lei nih an chim.
“Motor le Cycle khawnden nakin minung 44 an thi cang. Tukum January in June thla tiang cazin kan ngeihmi chungin a si. Nu le Pa ti in a thimi cazin cu kan khomh cuahmah lio a si” tiah pengkomh palek bawi Khin Zaw Thein nih a chim.
2018 kum January in June thla tiang thla 6 chungah Kalay pengkomh in Motor le Cycle khawndennak hin a thimi minung 44 an si cang i hliamhma pumi (siizung phanmi) hi minung 102 an si.
“Hiti a cangmi chungin mino an tam bik. A bik in zurit ruang ah hin a si bik ko. Cucaah, lam tlon tikah zapi zong nih biatakte in ralrin a hau” tiah Khin Zaw Thein nih cun a chim chap.
Kalay pengkomh palek lei nih thla 6 chung ah tonmi cazin lawng an langhtermi ah hin 2017 nakin minung a thimi le khawndenmi an tam deuh ti theih a si.
Ref:DVB
About The Author
