Thlali Chungah Kawlrampi Huap In Mei Kanghnak Voi 851 A Chuak
TCP-Thantlang| 2018 May 7| 2018 January in April tiang thlali chungah Kawlrampi huap in mei kanghnak voi 851 a chuak i hi chungah a tangka in sing 3000 tluk an sung tiah rampi pyi-the-zi vuanci Kyaw Swe nih a chim.
May 5 rampi meithahnak zung kum (72) camtuak puai ah a tubantuk in a chim hi a si. Mei kangh zornak le sungh zatlaknak a tlawm khawhnak hnga ahlankan in mei ralrin a herhnak kong zong a chim.
2016 kum chungah rampi huap in mei kanghnak voi 1847 a chuak i a tangka in sing 41,000 sunghzatlaknak an tong tiah meithat zungpi cazin ningin theih a si. Atu lio ah Kawlram chung meithahnak zung caantlin riantuan minung 11452, lenglei bawmtu an i chiahmi (ayan-mi-tat) minung 309,612 a dangte in chiahmi meithat tu hna minung 18672 le motor 3295 a um tiah theih a si.
Meithat zung riantuan hna cu, mei kanghnak paoh le li hninh, pawngkam ral chung in mibawm tu ding le mi kawl tu ding an si caah a hlei in thazaang thawn a herh tiah rampi pyi-the-zi vuanci Kyaw Swe nih a chim.
Ref: Duwun, 7Day
About The Author
