Thlarau Khawmpi A Zankhatnak Thil Tonmi Cung Ah Evan. Tluang Lian Catialmi
TCP-Kalay | 2019 April 3| April 2, 2019 zan ah khan Hakha khuathar ah tuahmi Thlarau khawmpi ah ruah le rial lak ah Pathian an thangthat chih an ngol hlei. Mipi aapum kho mi hi 2000 dengmang an si. Gangaw, Kalay, Pindawoo, Khampat le Khuathlang lei Pangkhua le Laitlang khua dangdang lei zong khawmpi zawh ah a rami an um tiah thawng kan theih.
Thomas Thang Facebook account comment pek ning ah cun “Abednago, Sadrak, Meshak cu BAWIPA nih Meiphu chungah a hneksak hna. An zaamlo thih ngamh in an BAWIPA an i tlaih. Cucaah, PATHIAN Sunparnak a lang i zumlotu Nebukkhadnezzar nih BAWIPA a Thangthat i aram chung dihlak ah BAWIPA a thangthat. BAWIPA dawtmi Daniel cu BAWIPA a Biak i a thang that caah Chiandeih thong ah an paih. Cucaah siangpahrang Darius nih Daniel PATHIAN Kong cu aram dihlak ah a thang that. Kha lio an ukmi ram kha 127 hrawng a si. Daniel le Judah tlangval pathum hna nihkhan Missionary tuan in, BAWIPA Kong chim hna sehlaw kum 1000 hmanh ah 127 kha an kal kho lai lo. Ram pakhat chim lo peng pakhat an kal ah an rak thah cang hna lai. Zumtu nih zumhnak fekte i an i tlaih ruang i harsatnak an ton hnu pin lei ah an PATHIAN le an BAWIPA cu daite in a um sawhsawh bal lo.
Faruah thawh, nimtlau a lek, teek a tla, thlipi a hung hrang! rang em Em in ruah le rial nih an hung kan den! Kan Zumhnak cu hneksak kan hun si. BAWIPA kan hun thangthat taktak cu chunglei lunglawmhak in kan khat! Khua a sik ko nain kan i lawmhnak nih a tei. Fano puak buin a zaam lomi an tam! BAWIPA nih aa cinken ko. Na Zumh i na pom lo hmanh ah ca chia tial rak i sum ko. BAWIPA thangthat cu kan ngol kho bal lai lo. Kan zumhnak tu thuk chinchin ah THLARAU nih a kan thanter. Amen. BAWIPA nih Sunparnak vialte co ko seh. Amen”. Lamkaltu Tluang Lian (Martar) tiah DGM facebook ah a tial.
Lairam in Hla in Bawipa thangthat dingin aa tel kho mi hlasak minthang hna cu:
- Iang Len Sung
- Jennifer
- Sarah Van Tin Hnem
- Siang Tha Zi
- Van Hlawn Dim
- Sui Hlawn Rem
- Ni Thlia
- Hanah Van Hnem Par
- Tial Tin Cuai
- Sui Tha Dim
- Rosely
- Van Kanaan Par
- Dawt Len
- Maw Nung
- Biak Tha Sui
- Far Hniang Tial
- Van Van an si.
Tutan Hakha ah DGM tawlrelnak in tuahmi Thlarau Khawmpi cu April 1 zan in thawk ding a si nain mandat an sakmi kha March 31 zan thli a hrangmi nih a hawh dih caah April 1 in khawmpi an thawk kho lo. A thar in an sak than i April 2 zan in an thawk. April 2 zan ah ruah a surmi le rial a tlami nih a hrawh dih than caah April 3 zan cu mandat sak ti lo in thangthatnak an ngei cang lai. Mandat sak an tim ti lo tiah tuanvo ngeitu sin in kan theih.
About The Author
